好耐都冇打XANGA
今日就為左陳小翠呢個小朋友打一篇啦

16歲生日快樂呀陳小翠小朋友
希望你日日都咁開心

一個SMS，一個回覆就搞到自己諗左好多野出黎
其實我總係覺得自己有D問題
但係個問題係咩又好似未搵到答案
神又好似冇咩回應咁
希望神快D俾回應我啦

7月的手術，真係一定要做﹖

由1月12號到4月30日呢幾個月入面
真係學到好多好多野呀

呢幾個月入睇到好多唔同ge社工的工作
係社工啦，pw 啦，同埋主任身上都學到好多唔同方面ge野
就前線工作，管理學上，活動計畫等等都有好多ge得著

最難得我諗都係同佢地ge關係呀
好難得有一班好好ge同事，
一班好玩得又好低能的同事

而且係入面一次又一次咁俾班死嚫仔嚇、串、煩
真係一個好特別ge經歷
唔同入校活動都有唔同ge得著

閩橋中四義工講座，第一次的實習活動，好生硬，好多地方都要改善，亦都好多謝果度ge老師教左我地一d帶活動的技巧。
閩橋中二級義工訓練，一個長時間ge訓練，入面有d野都係準備得唔係好夠。不過最開心係，係服務果日，見到佢地班死仔平時又死死下咁，出到去都幾醒目，趺晒眼鏡呀。
顯理中三級心智教育，再一次睇到香港教育制度的失敗，一班所謂的精英班學生，完全地唔理其他野ge重要性，只係覺得自己比其他人叻同埋醒。自我中心到暈。
聖馬可又係一個好挫折的入校服務。第一次的校友訓練，學校同我地完全地配合唔到，校友又唔肯去投入去玩，班校友又話要同學生打好關係，但係都唔肯開放自己，又點肯同佢地建立關係啦，真係俾佢地激死呀。
另一次就係中三四ge品德教育。好傷的一次服務，d學生竟然會，寧願俾校長見同埋訓話都唔黎我地ge活動，真係覺得自己ge努力係白費左架。不過好彩最後社工都話係學校ge問題，間學校跟本就係得把口去講好多野，唉
慧妍雅集，自己第一次單拖帶組，個組雖然細細地加埋我都係得三個人，但係都帶到我死死下，兩個司儀將甩繩馬騮呢幾隻字發揮得淋漓盡致真係俾佢地激鬼死呀。到典禮前兩日都仲未背得晒份稿，俾佢地嚇左兩日。最搞笑就係，到最後佢地竟然發揮得好好，仲要係好專業咁控制自己ge情緒控制得好掂。真係俾十個叻佢地呀。

係咁多次入面真係見到好多唔同性格ge青少年人，但係我亦都相信sanday 同我講ge講
我地口井仲係好細，經過呢幾個月就發現呢個香港唔同區ge青少年都有唔同的需要同埋特質
好感恩神俾我有呢個咁好ge經歷。雖然係辛苦，但係得到ge遠比附出多。

真係好多謝我地ge 阿sa：frennie，阿jane，vivian，elaine，linus，herman
更重要係要感謝神俾我有呢個機會識到班咁好ge同事

2009年3月20日 (五) 熱熱熱
今日一早返左中心實習
幫手份data
之後就去左中學帶活動
今次班友仔係好玩左，但係d態度就真係差過上一次
希望佢地仲記得我係入面講過d 野啦
希望佢地都有d得著呀
夜晚返左學校
五庄都係晒度，成個場有一半都係我地三蛇人，勁威
話咁快就一年啦，當中..........
待續........ 

2009年3月21日 (六)  又濕又熱

今日一早就俾人放左半架飛機
董先生，我一定會記得你的

下午出左去sharity，最後一次出去lu
班仔都d反應就真係有d.................
返到去都好感恩
都收到十幾份paper
不過d內容就唔敢睇住，驚嚇死

夜晚就返左去poly 24號度搞個powerpoint
搞到唔知幾點先有得返屋企訓

２００９年２月２７日（五）　陰天，間中有陽光

係中心實習左個幾月，睇左好多現實
IC 同同工間ge關係，取向的唔同都睇到
同事間ge問題都睇到
好多野都看在眼裡.........
個心有好多好多ge唔舒服，好唔開心
為人服務ge 工作點解都會係咁
同我想像中ge專業完全地唔同.....
果種心情仲未識得去調整
個人真係好唔開心....................

好多好多問題係個腦入面
自己ge將來諗住點，係社福界自己ge定位係點
點樣先可以做到一個好社工.........
點先可以係現有ge帶活動基礎上有改善，人際處事點先再做好d
呢d問題都不停定去反問自己
其實真係逼得自己好辛苦............
有幾次想離開，想放棄.................
但係我唔想俾人有一種感覺係讀完係冇用，份工冇意思。

好多野都諗唔通
點解會咁架
係自己冇野搵野黎煩定係...................

自己都未理得掂，點可以去連累人呀.........
希望自己真係咁識諗呀

實習真係愈做愈冇火
對好多野都開始愈黎愈唔忍得
好多滿口想做sw 的人
竟然自私過一d 商科佬

人本服務專業何在﹖

一d 讀health冇啦啦又轉黎讀sw
為咩呀﹖
以為自己做個ww 萬幾蚊個月好利害嗎﹖
你連人本服務係d咩都唔清楚就話去幫人
真係好炆呀

實習果邊又係好炆呀
做到就黎冇時間訓都竟然可以俾人話我地係hea lor
咩事呀
I C 咁講野令到我地ge士氣極差lor
更加唔明其他人的心態係點
完全唔積極去做野

唔好俾自己有個藉口啦
賴野先可以學到野....................
一次兩次都可以接受呀
咁多時都係咁就真係.............................................

很想和你談天，可惜時不與我